2-კვირიანი სასერტიფიკატო კურსი უფროსკლასელებისთვის, რომელიც მიზნად ისახავს ვებდეველოპმენტის ფუნდამენტური პრინციპების სწავლებას HTML-ისა და CSS-ის გამოყენებით. კურსი ეფუძნება ჯეოლაბის საგანმანათლებლო ფილოსოფიას, სადაც მთავარი აქცენტი კეთდება პროექტზე დაფუძნებულ სწავლებაზე (PBL).

სწავლის პროცესი მოიცავს ინტერაქციულ ვორქშოპებს, Live Coding სესიებს, წყვილებში მუშაობას და Code Review-ს, რაც ცოდნის მიღებასთან ერთად ხელს უწყობს პრაქტიკული უნარების გამომუშავებას. კურსის განმავლობაში სტუდენტები შექმნიან საკუთარ ვებგვერდს.

კურსის განმავლობაში განსაკუთრებული ყურადღება დაეთმობა ხელოვნური ინტელექტის ინსტრუმენტების გამოყენებას პროგრამული კოდის შემუშავებისა და საკუთარ პროექტზე მუშაობის პროცესში.

კურსი ასევე მოიცავს დისკუსიებს ტექნოლოგიების მომავალზე რაც სტუდენტებს მომავლის ტრენდების ანალიზში დაეხმარება.

შეფასება ფოკუსირებული იქნება პროცესზე და მოიცავს მცირე პრაქტიკულ დავალებებს, პროექტის შუალედურ პრეზენტაციებს და საბოლოო პორტფოლიო-ვებგვერდის წარდგენას. კურსის მიზანია, მოსწავლეებმა არა მხოლოდ ტექნიკური ცოდნა შეიძინონ, არამედ განუვითარდეთ მოქნილი უნარებიც, როგორიცაა პრობლემების გადაჭრა, გუნდური მუშაობა და კრიტიკული აზროვნება.