სს თიბისი ბანკი წარმოადგენს საქართველოს კანონმდებლობის შესაბამისად ლიცენზირებულ კომერციული ბანკს, რომელიც წინამდებარე პოლიტიკის მიზნებისთვის მოქმედებს, როგორც მონაცემთა დამმუშავებელი.

თიბისი ბანკის საიდენტიფიკაციო კოდია: 204854595

იურიდიული მისამართი: კ. მარჯანიშვილის ქ. №7, ჩუღურეთის რაიონი, თბილისი, საქართველო

ჩვენს შესახებ მეტი იხილეთ ვებგვერდზე.

წინამდებარე დოკუმენტით, გაგიზიარებთ ინფორმაციას ყველა იმ პრინციპის შესახებ, რომლითაც ვხელმძღვანელობთ თქვენი პერსონალური მონაცემების დამუშავებისას. ასევე, გაგაცნობთ, თუ როგორ გიცავთ კანონი და მოგაწვდით დეტალურ ინფორმაციას იმის შესახებ, თუ რა ტიპის პერსონალურ მონაცემებს აგროვებს ბანკი თქვენთან საქმიანი ურთიერთობის დამყარებისას და როგორ ხდება ამ მონაცემების გამოყენება, მათ შორის, პირდაპირი მარკეტინგის მიზნებისთვის.

ჩვენი მიზანია, ასევე, გაგაცნოთ, თუ როგორ მუშავდება მონაცემები საქართველოს კანონმდებლობისა და მონაცემთა დაცვის ზოგადი რეგლამენტის (GDPR/UK GDPR) შესაბამისად.

თქვენი უფლებები დაცულია საქართველოს კანონმდებლობითა და მონაცემთა დაცვის ზოგადი რეგლამენტით (GDPR//UK GDPR). თქვენ უფლება გაქვთ, კანონმდებლობით დადგენილი წესით და ვადაში მიიღოთ ინფორმაცია იმის შესახებ, თუ როგორ ვამუშავებთ თქვენს პერსონალურ მონაცემებს.

თქვენს პერსონალურ მონაცემებს დავამუშავებთ მხოლოდ იმ შემთხვევაში, თუ:

არასრულწლოვნის პერსონალური მონაცემებს ვამუშავებთ საქართველოს კანონმდებლობის შესაბამისად, არასრულწლოვნის საუკეთესო ინტერესების გათვალისწინებით.

ქვემოთ მოცემულ ცხრილში წარმოდგენილია თქვენი პერსონალური მონაცემების დამუშავების მიზანი ყოველი კონკრეტულ შემთხვევისთვის, შესაბამის სამართლებრივ საფუძვლებზე მითითებით:

ჩვენ ვიყენებთ სხვადასხვა ტიპის პერსონალურ ინფორმაციას, რომელსაც შემდეგნაირად ვაჯგუფებთ:

მომსახურების გაწევის ფარგლებში, ბანკი უფლებამოსილია მონიტორინგი გაუწიოს თქვენს ქცევას ბანკის ციფრული არხებით (მათ შორის, მობაილ/ინტერნეტ ბანკით) სარგებლობისას. მონიტორინგის მიზანია მომხმარებელთა გამოვლენილი ქცევის შესწავლა და ანალიზი.

ბანკის ელექტრონული პლატფორმების (მათ შორის, თიბისის მობაილ და ინტერნეტ ბანკი) გამოყენებისას თქვენი მოწყობილობის ID, მოდელი, ბრენდი, სახელი, OS ვერსია, ასევე, თიბისის აპლიკაციის ვერსია ხელმისაწვდომი იქნება ისეთი პროგრამებისთვის, როგორებიცაა: Google analytics, Xtremepush.com, WVO Facebook Pixel და Firebase.

მობაილ ბანკის გამოყენებისას, მომსახურების გაუმჯობესების მიზნით, ბანკი უფლებამოსილია დაამუშავოს ინფორმაცია თქვენს მობილურ მოწყობილობაში ჩატვირთული და თქვენ მიერ არჩეული სატელეფონო ნომრების შესახებ. ამასთან ერთად, ამ ნომრების გამოყენება მოხდება მხოლოდ თქვენი ნებართვით და მხოლოდ წინასწარ განსაზღვრული დანიშნულებით.

იმ შემთხვევაში, თუ თქვენს ციფრულ არხში იყენებთ ფოტოსურათს, თქვენი გამოსახულებით ან სხვა ნებისმიერი პირის/საგნის გამოსახულებით, გთხოვთ, გათვალისწინოთ, რომ აღნიშნული ფოტოსურათი თქვენს სასარგებლოდ თანხის გადმორიცხვის შესრულების პროცესში ხილვადია თანხის გადმომრიცხავისთვის.

თქვენს პერსონალურ ინფორმაციას მოვიპოვებთ ქვემოთ ჩამოთვლილი წყაროებიდან, კერძოდ:

ჩვენს ვებ გვერდზე მომხმარებელთა ქცევის მონიტორინგს ვახორციელებთ ე.წ. „მზა ჩანაწერების" (cookies-ის) საშუალებით იმისათვის, რომ ვიზიტორებს გავუადვილოთ ვებ გვერდით სარგებლობა და გავაუმჯობესოთ მისი ფუნქციონირების ხარისხი.

„მზა ჩანაწერები" მცირე ზომის ფაილებია, რომლებიც საიტზე ვიზიტისას ინახება მომხმარებლის კომპიუტერში, პლანშეტში ან მობილურ მოწყობილობაში. ისინი რჩება თქვენს მოწყობილობაში და საიტს უბრუნდება, როცა კვლავ ეწვევით იმავე მისამართს.

თუ გსურთ, უკეთ გაიგოთ, როგორ ვიყენებთ „მზა ჩანაწერებს", ჩვენს ვებგვერდზე იხ. ჩვენი „მზა ჩანაწერების" პოლიტიკა.

თქვენ უფლება გაქვთ მიიღოთ ინფორმაცია, თუ როგორ ვაგროვებთ და ვამუშავებთ თქვენს პერსონალურ მონაცემებს, რაც ნიშნავს იმას, რომ თქვენი მომართვის შემთხვევაში, ვალდებულები ვართ მოგაწოდოთ სრული და ამომწურავი ინფორმაცია თქვენს პერსონალურ მონაცემებთან დაკავშირებით.

თქვენ გაქვთ უფლება უარი თქვათ მონაცემების ჩვენ მიერ დამუშავებაზე, თუმცა თუ იგი ემსახურება ბანკის და/ან მესამე პირის ლეგიტიმურ ინტერესებს და/ან იგი აუცილებელია მომსახურების გასაწევად, და/ან თუ იგი საჭიროა დამუშავებისთვის პასუხისმგებელი პირის მიერ საქართველოს კანონმდებლობით მისთვის დაკისრებული მოვალეობების შესასრულებლად, შესაძლოა ბანკმა უარი გითხრათ მომსახურების გაწევაზე.

თქვენ შეგიძლიათ მოითხოვოთ, როგორც მონაცემთა გაცნობა, ისე მათი ასლების გადმოცემა.

კანონმდებლობის შესაბამისად, თქვენ ასევე გაქვთ უფლება მოითხოვოთ თქვენი მონაცემის დაბლოკვა, ცვლილება, გასწორება, განახლება, შევსება, დამატება, გადატანა, მონაცემთა დამუშავების შეწყვეტა, წაშლა ან განადგურება, თუ ისინი არასრულია, არაზუსტია, არ არის განახლებული ან თუ მათი შეგროვება და დამუშავება განხორციელდა კანონის საწინააღმდეგოდ.

ანგარიშების დახურვის ან პროდუქტების გაუქმების შემდეგ, თუ გსურთ, რომ ჩვენთან სრულად შეწყვიტოთ საქმიანი ურთიერთობა და ამავე დროს, შეწყდეს თქვენი მონაცემების დამუშავება, მათ შორის, თუ გსურთ, რომ აღარ მიიღოთ საინფორმაციო ან/და მარკეტინგული შეტყობინებები, გთხოვთ, მოგვმართეთ წერილობით. თქვენს მოთხოვნას კანონმდებლობით დადგენილ ვადაში შევასრულებთ და გთხოვთ, გაითვალისწინეთ, რომ ვეღარ მიიღებთ თქვენზე მორგებულ შეთავაზებებს და ისეთ საინფორმაციო შეტყობინებებს, რომლებიც შეიძლება თქვენთვის საინტერესო იყოს.

ამასთან, აღსანიშნავია, რომ ჩვენ ვმოქმედებთ საქართველოს კანონმდებლობის შესაბამისად, რომლის საფუძველზეც, შესაძლოა შეგვეზღუდოს პერსონალურ მონაცემთა წაშლის შესაძლებლობა. ზემოხსენებული ვალდებულებები შესაძლოა გამომდინარეობდეს ფულის გათეთრების წინააღმდეგ ბრძოლის, საგადასახადო, კომერციული ბანკების საქმიანობისა და მომხმარებელთა უფლებების დაცვის კანონმდებლობებიდან ან/და სხვა სამართლებრივი აქტებიდან.

კანონმდებლობით დადგენილი წესით და ფარგლებში, ჩვენ უფლება გვაქვს, თქვენი პერსონალური მონაცემები გამოვითხოვოთ და მივიღოთ მესამე პირებისგან, მაგ საკრედიტო საინფორმაციო ბიურო(ები)სგან (მათ ელექტრონულ ბაზაში დაცული როგორც პოზიტიური, ისე ნეგატიური ინფორმაციის ჩათვლით), აგრეთვე, სსიპ სახელმწიფო სერვისების განვითარების სააგენტოს მონაცემთა ელექტრონული ბაზიდან და სხვა ადმინისტრაციული ორგანოებიდან.

თქვენთან დაკავშირებული პერსონალური ინფორმაცია შეიძლება გაზიარდეს კანონმდებლობით გათვალისწინებულ შემთხვევებში, ან იმ ორგანიზაციებთან, რომლებმაც თქვენს მიერ შერჩეული პროდუქტი, თუ მომსახურება უნდა მოგვაწოდონ, მაგალითად:

თქვენი ინფორმაცია, მომსახურების გაწევის, პროდუქტების შექმნისა და განვითარების, შეთავაზების მიზნით, ასევე, შეიძლება გაზიარდეს ბანკის ჯგუფის წევრ კომპანიებთან.

იმ შემთხვევაში, როდესაც ჩვენი ძირითადი საქმიანობის ფარგლებში ვიყენებთ მესამე მხარეების, სხვა პროვაიდერის მომსახურებას, შესაძლებელია, დაგვჭირდეს მათთვის თქვენი პერსონალური მონაცემების გაზიარება კონკრეტული დავალებების შესასრულებლად. მომსახურება, რომელიც უნდა მივიღოთ მესამე პირებისაგან და შეიძლება საჭიროებდეს თქვენი მონაცემების გაზიარებას, შეიძლება მოიცავდეს, მაგრამ არ შემოიფარგლება შემდეგი სფეროებით:

იმ შემთხვევაში, თუ სარგებლობთ საკრედიტო პროდუქტებით, საკრედიტო ურთიერთობის მთელი პერიოდისთვის, კანონმდებლობით ჩვენთვის დაკისრებული ვალდებულებების შესასრულებლად, თქვენს პერსონალურ მონაცემებს, მათ შორის თქვენი გადახდების შესახებ ინფორმაციას, დახურული და ვადაგადაცილებული სესხების დეტალებს, ვაწვდით საკრედიტო საინფორმაციო ბიურო(ებ)ს. თავის მხრივ, საკრედიტო ბიურო, კანონმდებლობით დადგენილი წესის შესაბამისად, ამ ინფორმაციას უზიარებს სხვა პირებს.

თქვენი პერსონალური მონაცემები შეიძლება გაზიარდეს იმ შემთხვევაშიც, თუ სამომავლოდ შეიცვლება ბანკის სტრუქტურა, მაგალითად, თუ ბანკი გადაწყვეტს სრულად ან ნაწილობრივ გაასხვისოს საკუთარი აქტივები, ან განახორციელოს რეორგანიზაცია.

ზემოთ ჩამოთვლილი საფუძვლებით, მონაცემები მესამე პირებს გადაეცემათ მხოლოდ იმ შემთხვევაში, თუ დაცულია კანონმდებლობით დადგენილი ყველა მოთხოვნა და ამასთან, ასეთი მესამე პირები იკისრებენ მონაცემთა სათანადო წესით დამუშავების და კონფიდენციალურობის ვალდებულებას.

იმ შემთხვევაში, თუ კანონმდებლობით დადგენილი წესის შესაბამისად უარს იტყვით მონაცემთა მესამე პირებისთვის გაზიარებაზე, თქვენთვის მომსახურების გაწევა შეიძლება შეფერხდეს.

იმ შემთხვევაში, თუ ხდება თქვენი პერსონალური მონაცემის საერთაშორისო გადაცემა, აღნიშნული განხორციელდება მოქმედი კანონმდებლობით დადგენილი წესის შესაბამისად. ამასთან, ასეთი გადაცემისას, მივმართავთ ყველა ძალისხმევას, რათა მონაცემები გადავცეთ უსაფრთხოდ და კონფიდენციალურობის სრული დაცვით, წინამდებარე კონფიდენციალურობის პოლიტიკასთან სრული შესაბამისობით.

იმ შემთხვევაში თუ თქვენ იმყოფებით ევროკავშირის ან ევროპის ეკონიმიკური სივრცის ტერიტორიაზე და წარმოადგენთ GDPR-ით განსაზღვრულ მონაცემთა სუბიექტს და მონაცემები ზიარდება ევროპული კავშირისა და ევროპის ეკონომიკური სივრცის მიღმა მონაცემები შეიძლება გაზიარდეს სხვადასხვა შემთხვევაში, მაგალითად:

თუ შესაბამისი კანონმდებლობა არ ითვალისწინებს სათანადო დათქმებს, ან/და ევროკომისიის გადაწყვეტილების, ან შესაბამისი გარანტიების, მათ შორის, ევროკომისიის მიერ დამტკიცებული სავალდებულო კორპორატიული წესების ("Binding Corporate Rules") არარსებობისას, პერსონალური მონაცემების მესამე ქვეყნისთვის, ან საერთაშორისო ორგანიზაციისთვის გადაცემა ხორციელდება მხოლოდ შემდეგ შემთხვევებში:

თქვენი მონაცემები, რომლებსაც კანონმდებლობით დადგენილი წესის შესაბამისად მოვიპოვებთ, შეიძლება დამუშავდეს ავტომატური გადაწყვეტილების მიღების პროცესში (პროფაილინგი). ავტომატური საშუალებებით თქვენი მონაცემების დამუშავების საფუძველი შეიძლება იყოს თქვენი თანხმობა, კანონმდებლობით ან/და ჩვენს შორის არსებული ხელშეკრულებით ჩვენთვის დაკისრებული ვალდებულებების შესრულება.

თქვენ უფლება გაქვთ არ დაექვემდებაროთ მხოლოდ ავტომატიზებულად, მათ შორის, პროფაილინგის საფუძველზე მიღებულ გადაწყვეტილებას, რომელიც თქვენთვის სამართლებრივ ან სხვა სახის არსებითი მნიშვნელობის მქონე შედეგს წარმოშობს, გარდა იმ შემთხვევისა, როდესაც პროფაილინგის საფუძველზე გადაწყვეტილების მიღება:

თქვენს პერსონალურ მონაცემებს მარკეტინგული მიზნებისთვისაც ვიყენებთ - მათი დამუშავება საჭიროა იმისათვის, რომ მოგაწოდოთ თქვენთვის შესაფერისი პროდუქტების და შეთავაზებების შესახებ ინფორმაცია.

თქვენს მონაცემებს ვამუშავებთ იმისთვის, რომ გავიგოთ, რა გსურთ ან რა გჭირდებათ, რა იქნებოდა თქვენთვის საინტერესო.

თქვენი პერსონალური მონაცემები პირდაპირი მარკეტინგის მიზნებისთვის მუშავდება თქვენი თანხმობით.

თქვენ უფლება გაქვთ ნებისმიერ დროს დაგვიკავშირდეთ და მოითხოვოთ პირდაპირი მარკეტინგული მიზნით მონაცემთა დამუშავების შეწყვეტა. თქვენს მოთხოვნას, ასეთი მოთხოვნის მიღებიდან 7 (შვიდი) სამუშაო დღის ვადაში შევასრულებთ.

თქვენ, ნებისმიერ შემთხვევაში მიიღებთ სავალდებულო შეტყობინებებს, თქვენს სარგებლობაში უკვე არსებულ პროდუქტებთან და მომსახურებასთან დაკავშირებით, მათ შორის, შეტყობინებებს ასეთ პროდუქტებში ან/და მომსახურებაში შეტანილი ცვლილებების შესახებ.

თქვენს მონაცემებს ვამუშავებთ და ვინახავთ კანონმდებლობით განსაზღვრული ვადით და ჩვენთვის დაკისრებული ვალდებულებების შესასრულებლად.

პერსონალურ მონაცემთა დამუშავების, მათ შორის, პირდაპირი მარკეტინგის შესახებ თანხმობის გაუქმების შესახებ მოთხოვნა შეგიძლიათ ბანკს წარუდგინოთ ნებისმიერ დროს. თანხმობის გაუქმება შესაძლებელია მხოლოდ იმ შემთხვევაში, თუ თქვენი მონაცემების დამუშავების საფუძველს წარმოადგენს თქვენ მიერვე გაცხადებული თანხმობა.

თანხმობის გაუქმების შემთხვევაში, შესაძლოა შეფერხდეს ჩვენი მომსახურება და ვერ შევძლოთ თქვენთვის სრულყოფილი მომსახურების გაწევა.

თუ თქვენ გადაწყვეტთ მონაცემთა დამუშავების შესახებ გაცხადებული თანხმობის გაუქმებას, გთხოვთ, დაგვიკავშირდით ამავე პოლიტიკით განსაზღვრული ერთ-ერთი საკომუნიკაციო საშუალებით.

წინამდებარე დოკუმენტი პერიოდულად განახლებადია ბანკის მიერ.

დოკუმენტში ცვლილებები შეიტანება ბანკის ვებ გვერდზე გამოქვეყნების გზით და ცვლილებებს უნდა გაეცნოთ პერიოდულად. ცვლილებების შესახებ პერსონალურად გეცნობებათ მხოლოდ იმ შემთხვევაში, თუ ეს ვალდებულება გამომდინარეობს მოქმედი კანონმდებლობიდან.

იმ შემთხვევაში, თუ გსურთ კანონმდებლობითა და წინამდებარე დოკუმენტით თქვენთვის მონიჭებული უფლებების რეალიზება, შეგიძლიათ ეწვიოთ ბანკის ნებისმიერ ფილიალს, დაგვიკავშირდეთ ინტერნეტ ან/და მობაილ ბანკის საშუალებით, ან მოგვწეროთ ქვემოთ მითითებულ ელ-ფოსტაზე.

პერსონალური მონაცემებთან დაკავშირებულ საკითხებთან მიმართებით, ასევე, შეგიძლიათ მიმართოთ პერსონალურ მონაცემთა დაცვის ოფიცერს - ანი გეთიაშვილს, შემდეგი არხების გამოყენებით - privacycommittee@tbcbank.com.ge. მონაცემთა დაცვის ოფიცრისთვის მიმართვისას, გთხოვთ, არ გამოგრჩეთ თქვენი საკონტაქტო ინფორმაციის მითითება.

ჩვენს კონსულტანტს შეგიძლიათ დაუკავშირდეთ ონალინ ჩატის მეშვეობით.

ნებისმიერ დროს (კვირის ნებისმიერ დღეს და დღის ნებისმიერ მონაკვეთში), შეგიძლიათ დაგვიკავშირდეთ შემდეგ ტელეფონის ნომერზე: + (995 32) 227 27 27

სამუშაო საათებში, შეგიძლიათ ეწვიოთ ჩვენს ნებისმიერ ფილიალს.

თუ თქვენ ევროპის ეკონომიკურ ზონაში (EEA) იმყოფებით, ან იმყოფებით გაერთიანებულ სამეფოში და გაქვთ შეკითხვები თქვენს პერსონალურ მონაცემებთან დაკავშირებით, ან გსურთ მოითხოვოთ წვდომა მათზე, განაახლოთ ან წაშალოთ ისინი, შეგიძლიათ მიმართოთ ჩვენს წარმომადგენელს მისამართზე:

Bird & Bird GDPR Representative Services SRL

ბელგია, ბრიუსელი, 1050, ავენიუ ლუისი 235

EUrepresentative.TBCBank@twobirds.com

მთავარი საკონტაქტო პირი: ვინსენტ რეზუკ-ჰამაჩი Bird & Bird GDPR Representative Services UK გაერთიანებული სამეფო, ლონდონი, EC4A 1JP, ნიუ ფეტერ ლეინი 12 UKrepresentative.TBCBank@twobirds.com

წინამდებარე პირობები ძალაშია 2024 წლის 16 დეკემბრიდან