კურსი მოიცავს ფუნდამენტურ თეორიულ საფუძვლებს: პროგრამირებისა და მათემატიკის ფუნდამენტები; კლასიკური მანქანური სწავლება: რეგრესია, კლასიფიკაცია, კლასტერიზაცია, ღრმა სწავლება: ნეირონული ქსელები, კომპიუტერული ხედვა, ბუნებრივი ენის დამუშვება და პრაქტიკული დავალებებზე მუშაობა.

კურსის მიზანია მოსწავლეების მომზადება საერთაშორისო AI ოლიმპიადისთვის, ხელოვნური ინტელექტის თეორიული საფუძვლების სიღრმისეული შესწავლა და პრაქტიკული უნარების განვითარება. კურსის მიზანია ეროვნული ნაკრების ჩამოყალიბება, რომელიც წარმოადგენს საქართველოს საერთაშორისო AI ოლიმპიადაზე, პარალელურად კი ხელს შეუწყობს AI პროფესიონალების ახალი თაობის აღზრდას და ქვეყნის AI ეკოსისტემის განვითარებას.

საოლიმპიადო კურსი შექმნილია საქართველოს ნებისმიერ რეგიონში მცხოვრები IX-XII კლასის მოსწავლეებისთვის, რომლებსაც სურთ საერთაშორისო AI ოლიმპიადაში მონაწილეობა და აქვთ მოტივაცია, გახდნენ ეროვნული ნაკრების წევრები. კურსი ასევე შესაფერისია მათთვის, ვინც დაინტერესებულია ხელოვნური ინტელექტის სიღრმისეული შესწავლით და მომავლის პროფესიების დაუფლებით.

ტესტის წარმატებით შესრულების შემთხვევაში, შეძლებ კურსს პირდაპირ რეჟიმში შეუერთდე.

თუ ტესტს ვერ შეასრულებ, კურსის მასალაზე წვდომას მაინც მიიღებ და მას საკუთარი ტემპით გაივლი 

რეგისტრაცია გაიხსნება 23 სექტემბერს და დასრულდება 8 ოქტომბერს. 9 ოქტომბერს გამოგეგზავნება Self Assessment Test და მის შესასრულებლად 1 საათი გექნება. ტესტის შედეგები გამოქვეყნდება 10 ოქტომბერს.

მოსამზადებელ კურსს ქვეყნის წამყვანი AI ინჟინრები გაუძღვებიან.

ლექციები ტარდება კვირაში 2-ჯერ, 2 საათის განმავლობაში.

ინფორმაციას კონკრეტული სალექციო დღეებისა და საათების შესახებ მოგვიანებით გაგაცნობთ

კურსი ქართულ ენაზე წარიმართება.