კურსის განმავლობაში გაეცნობი ხელოვნური ინტელექტის უახლეს პლატფორმებს და პრაქტიკული დავალებების გამოყენებით გაიგებ Google Gemini-ს, Adobe Express-სა და Stitch-ის შესაძლებლობებს. 

კურსის მიზანია შეიძინო ის ცოდნა და უნარები, რომლებიც აუცილებელია ვიზუალური კომუნიკაციის დასაგეგმად, პროფესიული დიზაინ-კონცეფციების შესაქმნელად.

პრაქტიკული კურსის ბოლოს, ფინალურ პროექტზე მუშაობისას, ისწავლი თუ როგორ დაზოგო დრო რუტინულ ოპერაციებზე და ხელოვნური ინტელექტის დახმარებით ფოკუსირდე კრეატიულ იდეებსა და უნიკალურ ვიზუალურ გადაწყვეტებზე.

კურსი არის უფასო და მისი წარმატებით დასრულების შემდეგ, მიიღებ სერტიფიკატს.

სასწავლო პროგრამაში მონაწილეობისთვის არ გჭირდება საბაზისო ცოდნა. უნდა იყო სკოლის მოსწავლე, მე-9-დან მე-12 კლასის ჩათვლით, გქონდეს მოტივაცია და წვდომა კომპიუტერსა და ინტერნეტთან.

რომელ ხელსაწყოს გამოიყენებ: Google Stitch, Adobe Express, Google Gemini.