უსაფრთხოების წესები ბანკომატის გამოყენებისას
ყოველთვის დააკვირდი ბანკომატის ირგვლივ არსებულ გარემოს. არ გამოიყენო ბანკომატი, თუ შენიშნავ საეჭვო გარემოებას ან/და პირებს; ბანკომატის გამოყენება არ არის რეკომენდირებული, თუ ბანკომატის სპეციალური გარე განათების საშუალებები ცუდად ანათებს; ასევე არ გამოიყენო ის ბანკომატები, რომლებიც გამოიყურება უჩვეულოდ (ბანკომატს მიმაგრებული აქვს რაიმე სახის უჩვეული/არასტანდარტული მოწყობილობა) ბანკომატის გამოყენებისას, ყოველთვის დადექი ბანკომატის კლავიატურის წინ ისე, რომ მესამე პირების თვალთახედვის არეში ვერ მოხვდეს შენი ბარათის პინკოდი; ბანკომატზე, ბარათის პინკოდის შეყვანისას, ნუ მისცემ მესამე პირებს საშუალებას, რომ შენი ზურგიდან დაინახონ ბანკომატზე აკრეფილი პინკოდი. ყოველთვის დაიმახსოვრე კოდი და არასდროს დაწერო ის ბარათის უკანა მხარეს; თუ ბანკომატზე უნდა შეასრულო რამოდენიმე აქტივობა, რეკომენდებულია, რომ თანხა გაანაღდო ბოლო ეტაპზე; ბანკომატის გამოყენების დასრულებისას, ყოველთვის დარწმუნდი, რომ: შენი ბარათი და თანხა (განაღდებისას) თავად გაქვს; ნამდვილად დაასრულე პროცესი (მაგალითად, თუ ბანკომატის ეკრანზე გამოვიდა შეტყობინება ,,გსურს სხვა ტრანზაქცია?'' " გაუქმება " ღილაკის გამოყენებით დაასრულე აქტივობა ან დააჭირე '' არას ''.
