თიბისი ბანკი მოქმედებს საქართველოში მოქმედი კანონმდებლობის შესაბამისად და განუხრელად იცავდა და დაიცავს აშშ-ის, ევროკავშირის, გაერთიანებული სამეფოსა და გაერთიანებული ერების ორგანიზაციის მიერ დაწესებულ სანქციებს. ჩვენთვის მნიშვნელოვანია, ბანკის მომხმარებლები სათანადოდ იყვნენ ინფორმირებული რუსეთის ფედერაციის მიმართ დაწესებული საერთაშორისო სანქციების რეგულირების ძირითად მოთხოვნებზე და ყურადღებით მოეკიდონ მათ დაცვას, რათა დროულად იქნეს უზრუნველყოფილი რეგულაციებთან შესაბამისობა და ამგვარად თავიდან იქნას არიდებული შესაძლო გართულებები.

ამ კონტექსტში, მნიშვნელოვანია გაერთიანებული სამეფოს (შემდგომში „UK“) საგარეო, თანამეგობრობისა და განვითარების ოფისის (Foreign, Commonwealth & Development Office) მიერ 27 ივნისს ქართული ბიზნესებისთვის გამოქვეყნებული სახელმძღვანელო (შემდგომში „სახელმძღვანელო“), რომელიც აერთიანებს სანქციებთან შესაბამისობის კუთხით სხვადასხვა პრაქტიკულ რჩევას (სახელმძღვანელოს შეგიძლიათ გაეცნოთ ლინკზე)