თიბისისგან ტრანზაქციული (საბარათე / არასაბარათე ოპერაციების ამსახველი) და საინფორმაციო შეტყობინებები აღარ გაიგზავნება ტელეფონის უცხოურ ნომრებზე (ნომრებზე, რომლებიც არ არის გაცემული საქართველოს სატელეკომუნიკაციო მობილური ოპერატორების მიერ). ცვლილება ეხება ყველა რეზიდენტ და არარეზიდენტ მომხმარებელს, რომელსაც თიბისი ბანკში საკომუნიკაციოდ დაფიქსირებული აქვს ტელეფონის უცხოური ნომერი.

ამ ცვლილებიდან გამომდინარე, შეგიძლიათ ბანკში მითითებული ტელეფონის უცხოური ნომერი ჩაანაცვლოთ საქართველოს სატელეკომუნიკაციო მობილური ოპერატორების მიერ გაცემული მობილური ტელეფონის ნომრით და/ან ნომრის ცვლილების გარეშე, თიბისისგან სხვადასხვა ინფორმაციის მისაღებად, გადმოწეროთ თიბისის მობაილბანკი.