გაეცნო და ეთანხმება წინამდებარე განაცხადით გათვალისწინებულ საბანკო პროდუქტებისა და მომსახურების, მათ შორის ბარათ(ებ)ის, პირობებსა და ტარიფებს*;

დეტალურად იცნობს ბანკის ვებგვერდზე განთავსებულ საბანკო ოპერაციების წარმოების შესახებ ხელშეკრულებას და უერთდება მას.

არ მოქმედებს სხვა (მესამე) პირის დავალებით და არ აქვს ურთიერთობა ფიქტიურ ბანკთან.

თანახმაა, ბანკმა შეტყობინებისთვის გამოიყენოს კომუნიკაციის ნებისმიერი საშუალება (მათ შორის ელექტრონული, ციფრული და სხვა).

თანახმაა, სს „თიბისი ბანკმა“ კანონმდებლობით დადგენილი წესით, საბანკო მომსახურების ეფექტური და შეუფერხებელი გაწევის მიზნით და ამ მიზნის განსახორციელებლად საჭირო მოცულობით, მიიღოს სსიპ - სახელმწიფო სერვისების განვითარების სააგენტოს მონაცემთა ელექტრონული ბაზიდან, ბანკისთვის აუცილებელი, მისი პერსონალური მონაცემები.

თიბისი ბარათის ანგარიშზე ზედიზედ 6 (ექვსი) თვის განმავლობაში ნაშთის არარსებობის ან/და ამ ანგარიშის მეშვეობით ოპერაციების შეუსრულებლობის შემთხვევაში, ბანკს უფლება აქვს, გააუქმოს თიბისი ბარათი და ყველა ის სარგებელი და შეღავათი, რაც დაკავშირებულია აღნიშნულ ბარათთან.

მისთვის ცნობილია, რომ თუ უკვე სარგებლობს თიბისის ნაკრებით (ნაკრები 2,5,10 სტუდენტური, საბავშვო, კონცეპტის ციფრული ნაკრები, კონცეპტ პრემიუმი, კონცეპტ 360 ან სხვა ნაკრები, რომელიც არ არის ჩამონათვალში) თიბისი ბარათის გააქტიურებისთანავე, გაუუქმდება არსებული ნაკრების ტარიფები, შესაბამისად, გაუქმდება ყველა ის უპირატესობა/შეღავათიანი ტარიფი, რომელიც თიბისი ბარათის პირობებში არ არის განსაზღვრული. არსებულ ნაკრებში შემავალი ბარათ(ებ)ი იქნება აქტიური მისი მოქმედების ვადის ბოლომდე ან ბანკის მიერ წინასწარ შეტყობინებამდე. ნაკრების ბარათებზე გავრცელდება ბანკში მოქმედი სტანდარტული ტარიფები, მათ შორის, განაღდების საკომისიო.

ბანკთან საქმიან ურთიერთობას ამყარებს საბანკო ოპერაციების წარმოების, მათ შორის, კომუნალური გადასახადების გადახდის მიზნით და მისი წლიური ბრუნვა არ გადააჭარბებს 100 000 (ასი ათასი) აშშ დოლარს (ან მის ეკვივალენტს სხვა ვალუტაში).

კლიენტის მიერ განაცხადში დაფიქსირებული ინფორმაცია არის ზუსტი და უტყუარი.

მისი რეგისტრირებული და ფაქტობრივი მისამართი იდენტურია. კლიენტს უფლება აქვს ნებისმიერ დროს მოითხოვოს ფაქტობრივი მისამართის ცვლილება ერთ-ერთი შემდეგი არხით: ბანკის ფილიალში ვიზიტით, კონტაქტ ცენტრთან დაკავშირებით, ინტერნეტ / მობაილ ბანკის მეშვეობით.