თიბისი ბანკი ემსახურება მხოლოდ საქართველოს ეროვნული ბანკის მიერ რეგისტრირებულ ვირტუალური აქტივების მომსახურების პროვაიდერებს;

ფიზიკურ პირს არ აქვს უფლება განახორციელოს ვირტუალური აქტივის მომსახურება;

ვირტუალურ აქტივებთან დაკავშირებული ტრანზაქციების საბანკო ანგარიშების მეშვეობით შესრულება შეიძლება მხოლოდ საკუთარი მიზნებისთვის (გარდა ვირტუალური აქტივების მომსახურების პროვაიდერების ტრანზაქციებისა);

შესაბამისად, დაუშვებელია მესამე პირ(ებ)ის დავალებით/სასარგებლოდ ვირტუალური აქტივის ყიდვა-გაყიდვასთან დაკავშირებული საბანკო ტრანზაქციების შესრულება;

ბანკის მოთხოვნის შემთხვევაში აუცილებელია ტრანზაქციის თანხის წარმომავლობის დამადასტურებელი დოკუმენტის წარდგენა;

საქმიანი ურთიერთობის დამყარების პროცესში და შემდგომ, მომსახურების მთელი პერიოდის განმავლობაში, ბანკი უფლებამოსილია მოითხოვოს ნებისმიერი ინფორმაცია/დოკუმენტი, როგორც ვირტუალური აქტივების მომსახურების პროვაიდერებისგან, ისე სხვა კლიენტებისგან, რომლებიც მონაწილეობენ ვირტუალურ აქტივებთან დაკავშირებულ ტრანზაქციებში, მათ შორის თითოეულ ტრანზაქციასთან მიმართებაში;