ვინ ვართ ჩვენ?
შემოიხედე ბრენდის შექმნისა და განვითარების ჯადოსნურ სამყაროში, სადაც შემოქმედებითი, ინოვაციური, შედეგსა და მომხმარებელზე ორიენტირებული გუნდი ერთად, ყოველდღიურად, მრავალ საინტერესო და მასშტაბურ პროექტს ვახორციელებთ. ჩვენ გვაერთიანებს საზოგადოებაზე პოზიტიური ზეგავლენის მოხდენის სურვილი, ამიტომაც:
ვართ გამბედავები, ყოველდღიურად ვაძლიერებთ და შთავაგონებთ ერთმანეთს, ვუსახავთ ჩვენს თავებს და გუნდის წევრებს ახალ გამოწვევებს
ვზრუნავთ ერთმანეთის განვითარებასა და წინსვლაზე, იმიტომ რომ გვჯერა - ძალა ერთობაშია
გვაქვს უშრეტი სურვილი ვიყოთ ისეთი ცვლილებების კატალიზატორი, რომელიც მომხმარებელს ცხოვრებას გაუმარტივებს, საზოგადოების ყოველდღიურობას კი უკეთესობისკენ შეცვლის
გვჯერა, რომ ჩარჩოების გაფართოება სასარგებლოა და ჩვენი თავის უკეთესი ვერსიის შექმნა, ყველას შეგვიძლია
რას ისწავლი ჩვენთან?
ბრენდის სტრატეგია და განვითარება
პროდუქტის სტრატეგია და განვითარება
ბრენდის, პროდუქტებისა და პროექტების მარკეტინგი
შემოქმედებითი ჯაჭვი - პრობლემის/შესაძლებლობის აღმოჩენა, გააზრება და მისი თარგმა
თანამშრომლებთან კომუნიკაცია და მათი მოტივაცია, მათზე ზრუნვა
რა გჭირდება ამისთვის?
იყო ცნობისმოყვარე და შრომისმოყვარე
იყო მე-3 ან მე-4 კურსის სტუდენტი, ან კურსდამთავრებული
გიყვარდეს ადამიანები, მათთან კომუნიკაცია და მათი პერსპექტივის გაზიარება
ეძიო შთაგონებას ყველგან და ყოველთვის (სიზმრებშიც კი)
გაინტერესებდეს საბანკო პროდუქტები, ფინანსური ბაზარი
“ადამიანს მხოლოდ საკუთარი თავი თუ შეუშლის ხელს განვითარებაში. ყველაზე რთული ჩვენივე შემოსაზღვრული ჩარჩოების გარღვევაა. ამ ბარიერების დანახვა გვიჭირს, იმიტომ რომ არ ვუსმენთ არც ჩვენ შინაგან ხმას და არც სხვებს და ემპათია ხშირ შემთხვევაში სისუსტე გვგონია. არადა, წარმატებისთვის ყველაზე მთავარი ეგ არის და მგონია, რომ ჩვენი კულტურიდან გამომდინარე, სხვა ყველაფერთან ერთად თიბისიში ყველაზე კარგად ამას სწავლობ. ამიტომაც, თიბისი შენი კარიერული დებიუტისთვის ყველაზე სასარგებლო ადგილია.”
მაკუნა თავბერიძე
თიბისის ბრენდის გამოცდილების და მარკეტინგის ხელმძღვანელი
თიბისის სტაჟირების პროგრამა ბრენდის გამოცდილების და მარკეტინგის გუნდში:
ჩვენი მოტივაციაა, შენი კარიერული დებიუტი მაქსიმალურად სასარგებლო იყოს, ამიტომაც სტაჟირების პროგრამას ჩვენი და შენი ინტერესებისა და სფეროსთვის აუცილებელი გამოცდილებების სინთეზით ვადგენთ. ძირითადი მიმართულებები და პროექტები რომლებთან გადაკვეთაც თიბისის ბრენდის გამოცდილებისა და მარკეტინგის გუნდში გექნება შემდეგია:
ციფრული პროდუქტებისა და არხების განვითარება და კომუნიკაცია
საბანკო პროდუქტებისა და ლოიალობის პროგრამების განვითარება და კომუნიკაცია
შემოქმედებითი კონტენტის და მარკეტინგული კამპანიების დაგეგმვა და აღსრულება
კულტურის სფეროს ფესტივალების და ღონისძიებების დაგეგმვა, აღსრულება და კომუნიკაცია
ბიზნეს კომუნისთვის ღონისძიებების დაგეგმვა, აღსრულება და კომუნიკაცია
განათლებაზე წვდომის გაფართოების ხელშეწყობის პროგრამების განვითარება და კომუნიკაცია
10,000 თიბისელის სიამაყის გაღვივებისა და კმაყოფილების გაზრდის, შემეცნებითი, სახალისო, ინფორმაციული აქტივობების დაგეგმა და აღსრულება
ჩვენთან სტაჟირების პროგრამა 6-იდან 12 თვემდე გრძელდება და ითვალისწინებს როტაციას სხვადასხვა მიმართულებებს შორის. თუმცა ყველაფერი დამოკიდებულია შენს პერსონალურ განვითარებაზე, სურვილსა და შენი მენტორების შეფასებაზე.
მთელი პროგრამის მანძილზე, შენ გეყოლება მენტორი ან მენტორები, რომლებიც იზრუნებენ შენს განვითარებაზე, მოგცემენ უკუკავშირს, დაგეხმარებიან დავალებების შესრულებაში და გაგიზიარებენ პირად ცოდნასა და გამოცდილებას.
დანარჩენ დეტალებს onboarding-ის დროს მოგიყვებით.
ჩვენთან სამუშაო გრაფიკი მოქნილია, რაც უნივერსიტეტთან და სწავლასთან შეთავსების საშუალებას მოგცემს. გაითვალისწინე, სტაჟირების პროგრამისთვის კვირაში მინიმუმ 20 საათი უნდა გამოყო.
სტაჟირების შემდგომი დასაქმება
სტაჟირების დასრულების შემდეგ პოზიციაზე გადასვლა დამოკიდებულია შემდეგ ფაქტორებზე:
მენტორმა უნდა დაადასტუროს შენი ტექნიკური და კომპეტენციური მზადყოფნა
უნდა არსებობდეს მიმდინარე ღია ვაკანსია
უნდა გქონდეს სრულ განაკვეთზე მუშაობის შესაძლებლობა/დრო
