გუნდის შესახებ ინფორმაცია:
ჩვენი გუნდი მუშაობს მრავალფეროვან სამშენებლო და ინფრასტრუქტურულ პროექტებზე. გუნდი აფასებს პროექტის ბიუჯეტს, ვადებსა და ტექნიკურ დოკუმენტაციას, აკვირდება სამშენებლო სამუშაოების მიმდინარეობას და ამოწმებს მათ შესაბამისობას დამტკიცებულ პროექტთან. ობიექტებზე ვიზიტებისა და დეტალური ანალიზის საფუძველზე გუნდი განსაზღვრავს შესაძლო რისკებს და ამზადებს შესაბამის დასკვნებსა და რეკომენდაციებს.
ვის ვეძებთ?
სტაჟიორს, რომელსაც სურს რეალურ სამშენებლო და ინფრასტრუქტურულ პროექტებზე მუშაობით პრაქტიკული გამოცდილების მიღება.
რას გააკეთებ?
ჩაერთვები სამშენებლო პროექტების ტექნიკური დოკუმენტაციის, ხარჯთაღრიცხვისა და სამუშაო გრაფიკის შესწავლაში;
გუნდთან ერთად მონაწილეობას მიიღებ სამშენებლო ობიექტებზე ვიზიტებსა და სამუშაოების მიმდინარეობის მონიტორინგში;
დაეხმარები გუნდს შესრულებული სამუშაოების, პროექტის ვადებისა და ხარჯების შესახებ ინფორმაციის დამუშავებაში;
მონაწილეობას მიიღებ მონიტორინგის ანგარიშებისა და შესაბამისი სამუშაო მასალების მომზადებაში.
რა მოთხოვნებს უნდა აკმაყოფილებდე?
ხარ ბაკალავრის მე-3 ან მე-4 კურსის სტუდენტი ან კურსდამთავრებული
ხარ სამშენებლო, არქიტექტურის ან სხვა დაკავშირებული მიმართულების სტუდენტი ან კურსდამთავრებული
გაქვს ანალიტიკური უნარები
გამოირჩევი პასუხისმგებლობის მაღალი გრძნობით და დეტალებზე ორიენტირებულობით
გაქვს მაღალი მოტივაცია, სწრაფად ათვისების უნარი და შენი მიზანია, რომ კარიერულად განვითარდე
უპირატესობად ჩაითვლება GPA 3+
