პროგრამის დეტალები

პროგრამის მიზანია სტაჟირების პერიოდი რაც შეიძლება ეფექტურად გამოიყენო კარიერული განვითარებისთვის. სტაჟირების დასაწყისში გაივლი ე.წ. Onboarding-ს, რომელიც დაახლოებით 1 თვე გაგრძელდება. ამ პერიოდში გაიცნობ კოლეგებს, გაივლი საბანკო სპეციფიკის ტრენინგებს, გაეცნობი ორგანიზაციის კულტურას და თავისებურებებს. ამის პარალელურად დაიწყებ ინდივიდუალურად მუშაობას შენს მენტორთან, რომელიც პირველივე თვიდან დაგეხმარება განვითარების გეგმის შემუშავებასა და განხორციელებაში.

პროგრამის განმავლობაში იმუშავებ სამ მიმართულებაში: 1) სტრატეგიული ფინანსები და ბიზნეს ანალიზი, 2) კორპორაციული ფინანსები და 3) ფინანსური ოპერაციების მენეჯმენტი და კონტროლი. სამივე მიმართულებით ჩაერთვები რეალურ საქმეებსა და პროექტებში, რომლებიც თანდათანობით გართულდება, დააგროვებ პრაქტიკულ კომპეტენციებს და სტაჟირების ბოლოს მზად იქნები, შენ თავად გადაწყვიტო, რა მიმართულებით გინდა კარიერის გაგრძელება.

მენტორისგან მიიღებ როგორც მყისიერ, ისე დაგეგმილ უკუკავშირებს და შენც ნუ მოერიდები, რომ თავად ჰკითხო ხოლმე აზრი. გარდა ამისა, მიმართულების ხელმძღვანელებთან გექნება პერიოდული ინდივიდუალური შეხვედრები და მათთან ერთადაც შეძლებ შენი სამომავლო განვითარების დაგეგმვას.

სამუშაო გრაფიკი მოქნილია, რაც უნივერსიტეტთან შეთავსების საშუალებას მოგცემს და კვირაში მინიმუმ 20 საათი უნდა გამოყო სტაჟირებისთვის.

პროგრამის ხანგრძლივობაა 6-12 თვემდე და დამოკიდებულია სტაჟიორის ინდივიდუალური განვითარების შედეგზე.

სტაჟირების შემდგომი დასაქმება

სტაჟირების დასრულების შემდეგ პოზიციაზე გადასვლა დამოკიდებულია შემდეგ ფაქტორებზე:

ამის გათვალისწინებით, სრულ განაკვეთზე გადაყვანა შეიძლება მოხდეს, როგორც 6 თვის შემდეგ, ასევე შესაძლოა სტაჟირება 12 თვეც გაგრძელდეს.