კურსის ფარგლებში ისწავლი კონტენტისა და სტრატეგიის შექმნას, მისი აღსრულების მეთოდებსა და კომუნიკაციის წარმატების შეფასებას. ასევე, გაიგებ როგორ გამოიყენო შესაბამისი ინსტრუმენტები და არხები ეფექტურად

დღევანდელ დროში მედიის მასშტაბი იძლევა საშუალებას ნებისმიერი ამბავი ინფორმაციად იქცეს და უსწრაფესად გავრცელდეს. ამ კონტექსტში კომუნიკაციის მიზანი აუდიტორიის ყურადღების მიპყრობა და ემოციის გამოწვევაა, რადგან ის, რაც ადამიანებისთვის უკვე ნაცნობია, აღარ იწვევს მათ აღტაცებას.

კურსის ფარგლებში დავსვამთ მთავარ კითხვებს - რა გამოწვევები აქვთ ადამიანებსა და ბრენდებს ინფორმაციის მას-წარმოების ეპოქაში?!, რატომ ჰქვია კონტენტი ყველაფერ იმას, რასაც ვქმნით და ვაზიარებთ?!, რატომ არის სტრატეგია, თანმიმდევრულობა და იმპროვიზაცია თანაბრად მნიშვნელოვანი?!, რატომ უნდა შევქმნათ ღირებული და არა ეფემერული ამბები?!.

თუ ხარ ახალგაზრდა და გაინტერესებს როგორ იქმნება ბრენდის სტრატეგია და კონტენტი მაშინ ეს კურსი შენთვისაა.

ლექციების შედეგად, შეისწავლი, რა საფუძველი სჭირდება კონტენტის სტრატეგიას და როგორ ვაცოცხლებთ მას - სად ვეძებთ შთაგონებას, რა ინსტრუმენტები გვჭირდება კონტენტის შექმნის ეტაპზე და როგორ ვზომავთ კომუნიკაციის წარმატებას.