18 წლამდე ასაკის სკოლის მოსწავლეებისთვის.

შესარჩევ ოლიმპიადას განათლების, მეცნიერების და ახალგაზრდობის სამინისტროს დაკვეთით ნაკრების ხელმძღვანელებთან ერთად აორგანიზებს საქართველოს შოთა რუსთაველის სახელობის ეროვნული სამეცნიერო ფონდი. ტექ ოლიმპიადების ჰაბი უზურნველყოფს წინა ოლიმპიადის მონაწილეებისთვის და მომდევნო შერჩეული მონაწილეებისთვის ზამთრის და ზაფხულის ბანაკებს.

უზბეკეთი, ტაშკენტი, 9-16 აგვისტო

შესარჩევი ეტაპი ორტურიანია. თითოეულ ტურზე მოსწავლეებს ამოსახსნელად ეძლევათ 3 ამოცანა და 5 საათი სამუშაო დრო. იგივე ხდება საერთაშორისო ოლიმპიადაზეც.

ოლიმპიადაზე მონაწილეებს ეძლევათ ალგორითმული შინაარსის რთული ამოცანები, რომლებიც გათვლილია დიდი რაოდენობის მონაცემებზე და საჭიროებს ოპტიმალური გადაწყვეტის მოძებნას.

მონაწილემ უნდა: მოიფიქროს ამოცანის ამოსახსნელად შესაბამისი ოპტიმალური ალგორითმი და განახორციელოს მისი პროგრამული რეალიზაცია

რეგისტრაცია ხდება Google Forms-ის კითხვარის შევსების შედეგად. ფორმის ლინკი ხელმისაწვდომი იქნება ეროვნული ოლიმპიადების რეგისტრაციის დაწყებისთანავე, თიბისის ვებ გვერდზე.

რეგისტრაციის თარიღი 1-15 მარტი

ნაკრების ფორმირება ხდება შესარჩევ ტურებზე ნაჩვენები შედეგების საფუძველზე.

ტარდება ორი შესარჩევი ტური, რის შედეგადაც ფორმირდება ნაკრები:

4 ძირითადი წევრი, 4 რეზერვისტი

ნაკრების წევრების გადამზადება თითოეული ოლიმპიადისთვის ხდება ოლიმპიადაზე გამგზავრების წინ ორგანიზებულ 20-დღიან შეკრებაზე. მეცადინეობები მიმდინარეობს ნაკრების წევრებთან და რეზერვისტებთან საერთაშორისო ოლიმპიადების სტანდარტის შესაბამისად.