ტესტირების ავტომატიზაცია გულისხმობს პროგრამული უზრუნველყოფის ფუნქციონირების შემოწმებას სპეციალიზებული ხელსაწყოებისა და წინასწარ განსაზღვრული ნაბიჯების გამოყენებით. ამასთანავე, ტესტირების ავტომატიზაცია არის პროგრამული უზრუნველყოფის განვითარების სასიცოცხლო ციკლის განუყოფელი კომპონენტი.  

კურსის ფარგლებში სტუდენტი შეისწავლის პროგრამულ ენებსა და ინსტრუმენტებს, როგორიცაა: Java, Selenium, Rest Assured და ა.შ. მონაწილეები ასევე შეისწავლიან ტესტ დიზაინის საუკეთესო პრაქტიკებს, ტესტირების ჩარჩოს იმპლემენტაციას და ტესტების უწყვეტ ინტეგრაციას pipeline -ებში.  

ტესტირების ავტომატიზაციის კურსის მიზანია სტუდენტს შესძინოს ცოდნა და უნარები, რითიც დახვეწენ ტესტირების პროცესებს, მინიმუმამდე დაიყვანენ შეცდომებსა და გააუმჯობესებენ პროგრამული უზრუნველყოფის ხარისხს ავტომატიზაციის გზით. 

კურსის დასრულების შემდგომ სტუდენტებს შეეძლებათ ეჯაილ გუნდში Test Automation Engineer-ად მუშაობა.